นเหตุํ นอกุสลญฺจ นนเหตุํ นอกุสลญฺจ ธมฺมํ ปฏิจฺจ นนเหตุ นอกุสโล ธมฺโม อุปฺปชฺชติ เหตุปจฺจยา ฯ นเหตุํ นอกุสลญฺจ นนเหตุํ นอกุสลญฺจ ธมฺมํ ปฏิจฺจ นเหตุ นอกุสโล จ นนเหตุ นอกุสโล จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํ)ฯ

เหตุยา นว…เป.… อวิคเต นวฯ (สพฺพตฺถ นวฯ)

[6] นเหตุํ นอพฺยากตํ ธมฺมํ ปฏิจฺจ นเหตุ นอพฺยากโต ธมฺโม อุปฺปชฺชติ เหตุปจฺจยา – กุสลากุสลํ นเหตุํ เอกํ ขนฺธํ ปฏิจฺจ ตโย ขนฺธา, ตโย ขนฺเธ ปฏิจฺจ เอโก ขนฺโธฯ นเหตุํ นอพฺยากตํ ธมฺมํ ปฏิจฺจ นนเหตุ นอพฺยากโต ธมฺโม อุปฺปชฺชติ เหตุปจฺจยาฯ นเหตุํ นอพฺยากตํ ธมฺมํ ปฏิจฺจ นเหตุ นอพฺยากโต จ นนเหตุ นอพฺยากโต จ ธมฺมา อุปฺปชฺชนฺติ เหตุปจฺจยาฯ (3)

นนเหตุํ นอพฺยากตํ ธมฺมํ ปฏิจฺจ นนเหตุ นอพฺยากโต ธมฺโม อุปฺปชฺชติ เหตุปจฺจยา… ตีณิฯ

นเหตุํ นอพฺยากตญฺจ นนเหตุํ นอพฺยากตญฺจ ธมฺมํ ปฏิจฺจ นเหตุ นอพฺยากโต ธมฺโม อุปฺปชฺชติ เหตุปจฺจยาฯ นเหตุํ นอพฺยากตญฺจ นนเหตุํ นอพฺยากตญฺจ ธมฺมํ ปฏิจฺจ นนเหตุ นอพฺยากโต ธมฺโม อุปฺปชฺชติ เหตุปจฺจยาฯ นเหตุํ นอพฺยากตญฺจ นนเหตุํ นอพฺยากตญฺจ ธมฺมํ ปฏิจฺจ นเหตุ นอพฺยากโต จ นนเหตุ นอพฺยากโต จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว…เป.… อวิคเต นวฯ (สพฺพตฺถ นวฯ)

1-2 เหตุทุก-เวทนาตฺติกํ

[7] นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ นเหตุ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ นนเหตุ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา นวฯ (สพฺพตฺถ นวฯ)

[8] นเหตุํ นทุกฺขาย เวทนาย สมฺปยุตฺตํ ธมฺมํ ปฏิจฺจ นเหตุ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา นวฯ (สพฺพตฺถ นวฯ)

[9] นเหตุํ นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นเหตุ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา นวฯ (สพฺพตฺถ นวฯ)

1-3-9. เหตุทุก-วิปากาทิตฺติกานิ

[10] นเหตุํ นวิปากํ ธมฺมํ ปฏิจฺจ…เป.…ฯ

นเหตุํ นวิปากธมฺมธมฺมํ ปฏิจฺจ…เป.…ฯ

นเหตุํ นเนววิปากนวิปากธมฺมธมฺมํ ปฏิจฺจ…เป.…ฯ

[11] นเหตุํ นอุปาทินฺนุปาทานิยํ ธมฺมํ ปฏิจฺจ…เป.…ฯ

นเหตุํ นอนุปาทินฺนุปาทานิยํ ธมฺมํ ปฏิจฺจ…เป.…ฯ

นเหตุํ นอนุปาทินฺนอนุปาทานิยํ ธมฺมํ ปฏิจฺจ…เป.…ฯ

[12] นเหตุํ นสํกิลิฏฺฐสํกิเลสิกํ ธมฺมํ ปฏิจฺจ…เป.…ฯ

นเหตุํ นอสํกิลิฏฺฐสํกิเลสิกํ ธมฺมํ ปฏิจฺจ…เป.…ฯ

นเหตุํ นอสํกิลิฏฺฐอสํกิเลสิกํ ธมฺมํ ปฏิจฺจ…เป.…ฯ

[13] นเหตุํ นสวิตกฺกสวิจารํ ธมฺมํ ปฏิจฺจ…เป.…ฯ

นเหตุํ นอวิตกฺกวิจารมตฺตํ ธมฺมํ ปฏิจฺจ…เป.…ฯ

นเหตุํ นอวิตกฺกอวิจารํ ธมฺมํ ปฏิจฺจ…เป.…ฯ

[14] นเหตุํ นปีติสหคตํ ธมฺมํ ปฏิจฺจ…เป.…ฯ

นเหตุํ นสุขสหคตํ ธมฺมํ ปฏิจฺจ…เป.…ฯ

นเหตุํ นอุเปกฺขาสหคตํ ธมฺมํ ปฏิจฺจ…เป.…ฯ

[15] นเหตุํ นทสฺสเนน ปหาตพฺพํ ธมฺมํ ปฏิจฺจ…เป.…ฯ

นเหตุํ นภาวนาย ปหาตพฺพํ ธมฺมํ ปฏิจฺจ…เป.…ฯ

นเหตุํ นเนวทสฺสเนน นภาวนาย ปหาตพฺพํ ธมฺมํ ปฏิจฺจ…เป.…ฯ